Ankole Diocese Headquarters

The diocesan headquarters are located at Ruharo 3 kilometers from Mbarara town on the Mbarara – Bushenyi highway.

Departments
  • Mission & Evangelism
  • Treasury & Finance
  • Planning & Development
  • Health Department
  • Education Department
  • Mothers Union
  • Fathers Union
Diocese Events

There are no upcoming events at this time.

Ankole Diocese

©All Rights Reserved


Obutumwa bw’ekiro ky’okuzarwa kwa Mukama waitu Yesu Kristo n’omwaka omutsya 2017 aha bantu Boona

Rt. Rev. Dr. Fred Sheldon Mwesigwa

Nyowe n’omukazi wangye Maama Dr.Alice Mwesigwa, nitubeendeza ekiro kikuru ky’okuzarwa kw’omujuni Yesu ekirungi. Nitubeendeza n’omwaka mustya 2017 murungi.

Nitubasiima ahabw’okutushabira n’okutukwatsa, ekiretire Obureeberezi bwaitu bw’Ankole bwaba ekyokureberaho omu mareeberezi agandi omukuburira enjiri, eby’obwegyese, ebya magara, entuguuka omumaka naha makanisa n’omu myooga endijo.

Bimwe ebi Mukama atubasiise  kukora omu mwaka 2016:

  1. Enjiri y’okujunwa eburirwe kandi n’eyongyera kuburirwa omubureeberezi bwona. Abantu bingi  amagara gabo bagahongire Yesus Kristo nkomujuni waabo kandi bayeteisa n’ebibi.
  2. Habireho ekiteerane kyokwijuka emyaka 80 kwiha okujunwa kuhika  omuri Ankole kandi hakeija abantu bingi kuruga Rwanda, Tanzania, Kenya, Burundi na Bungyereeza.
  3. Higwirweho eryijukizo ryeby’okujunwa (East African Revival Museum) omunju ya Bishop enkuru, nahabwekyo burimuntu weena nayikirizibwa kwija kureeba ebyafaayo by’okujunwa arikushashura 3000shs kandi abaana 2000shs.(ebeeyi egi n’eyokubarozaho).
  4. Ekyombenko kyeitu ekitwaguzire million bitaano neikumi(510,000,000shs) kikaba kiine amaju/emiryango erikupangisibwa kandi plot y’omumaisho etombekyirwe. Ninshemererwa kubamanyisa ngu obwahati ekizimbe ky’emiryango12 kyombekyirwe okuhika aha beam. Esente ezirikwingana million igaana nshaaju nitaano( 175,000,000shs ) nizo zikozesiibwe.
  5. Omureeberezi  buguzire motoka nstya  y’ekika kya Land Cruiser UAT151H, GX, V8 ekagurwa million bibiri makumi ashatu 230,000,000shs kandi nekora gye.  ).
  6. SACCO y’Obureeberezi eyeyongeire amaani. Obwahati twine amatagi Mbarara(Main branch) BSU, Rugaaga, Kinoni, Kabuyanda na Ibanda. Office enkuru eya Mbarara twongyireho ekishengye ekindi hati nereebeka nka banka yenyini. Mube ba memba kandi mugure emigabo, n’okweguza looni.
  7. Mothers Union erikwebemberwa Maama Dr. Alice Mwesigwa n’akiiko ke bakatandi ekibina ky’abakazi Ankole Diocese Women’s Investment Association (ADWIA) okwebikira sente shs 1000 burisande. Nyine amatsiko mingi omu kibiina ekyi ngu nikyija kureetera entunguuka y’ammani omu bakazi. Abashaija naitwe nitwikirizibwa kubakwasa nka ex-officios.

Ebindikubashaba kutamu amaani 2017 nebi:

  1. Okuburiira enjiri y’okujunwa
  2. Buri kanisa kutandikaho project y’okugitahiiza sente.
  3. Okukoreesa gye amataka g’ekanisa n’okureetera entunguka.
  4. Buri kanisa yoona etunge ekyapa
  5. Buri mukristayo kutwa shs 1000 z’okuhwera SACCO kukura ekahika ahamutindo gwa Banka.
  6. Okwombeka ekyombeko kya Mothers Union.
  7. Okurwanisa obworo omumaka turikukora projects n’okwerinda enjara n’ebindi bigwereerezi.

Nitushaba Ruhanga ngu omwaka mutsya 2017 gubaabere ogw’obisingye mwena.

Luke 2:14…. Obusingye bube aharimwe mwena.

 

Rt. Rev. Dr. Fred Sheldon Mwesigwa

Omureeberezi w’Ankole

share

Leave a Reply

Your email address will not be published. Required fields are marked *

WhatsApp chat